Kurdistan û Sînor

Description

Dema mirov li dîroka sînorên di Kurdistanê de dinêre mirov dibîne ku birîn gelekî kûr e. Hîn berî zayînê bi sêsed salî , gava îskender ji bo Med û Persan ji welatê rojava bi dûr bixe, berê xwe da rojhilat û pê de, nêziki hezar û pênsed salî Kurdistan bûye qada şer û sînorê di navbera Rojhilat û Rojava de. Tu carî ji şer jê xalî nebûye. Di sedsala 7’an de, bi pêla îslamiyetê re ,îcar bi hêzên başûr re jî rû bi rû dimine. Ji sedsala 11’an û pê de, bi hatina Oguz û Moxolan re jî li erdê Kurdistanê şerê dijwartir çêbûne. Di serê sedsala 16’an de bi dilxwazi hin mîrekiyên Kurdan û Dewlata Osmani li ser hevkariyê peymanekê pêk tînin. Bi vê pevrebûnê Kurdistan dibe du parçe. Parçeyê mezin bi ser Dewleta Osmanî ve, aliyê din ji bi ser Sefawiyan ve dimîne. Bi Peymana Qesra Şîrîn, rewş de bi hin peymanên ku piştî Şerê Parvekirinê yê Yekemîn tên morkirin, gelek dewlet li ser perçekirin û behrkirina Kurdistanê li hev dikin.